Ауа райы
Астана -18 °С
Алматы -8 °С
валюта бағамы
USD 386.44
EUR 428.37
RUB 6.06
CNY 54.93

Алматы Жаңа жылға дайындықты бастап кетті

2019 жылдың 8 қараша 2019 19:02

АЛМАТЫ. ҚазАқпарат - Алматы Жаңа жыл мерекесіне дайындықты бастап кетті. Бұл туралы қалалық мәдениет басқармасының басшысы Ернар Құрмашев айтты, деп хабарлайды ҚазАқпарат тілшісі.

«Қазір жаңажылдық безендіруді қолға алдық. Бірыңғай брендбук әзірледік. Бұл - техникалық құжат. Оны безендірумен айналысатын компанияларға таратып береміз. Біз қаланың шалғай аудандарын да сәндейміз», - деді Ернар Құрмашев қоғамдық кеңестің отырысында.

Оның айтуынша, биыл мегополис көшелері арнайы дизайн бойынша әрленеді.

«Мерекелік алаңдарға келетін болсақ, мұнда полиорталықтандыру қарастырылған. 8 алаң болады. Барлығына жасыл шырша орнатамыз. Мерекелік шоу-бағдарламаны да ойластырып қойдық. Ең үлкен шыршаны «Астана» алаңына орнатамыз. Шыршаның шырағын жағу рәсімі 18 желтоқсанға жоспарланған», - дейді Алматы қалалық мәдениет басқармасының бастығы Ернар Құрмашев.

Автор Алма Мұқанова
Басты сөздер: Алматы, Мәдениет,
Жоғары қарай