Ауа райы
Астана 19 °С
Алматы 22 °С
валюта бағамы
USD 386.04
EUR 427.77
RUB 5.88
CNY 54.45

Алматы тұрғындарына экстремизм мен терроризм қаупі түсіндірілді

2019 жылдың 12 шілде 2019 18:19 636

АЛМАТЫ. ҚазАқпарат - Алматы қалалық Қоғамдық даму басқармасы мен «ҚР лаңкестік және экстремизм  мәселелерін зерттеу орталығы» ҚҚ Алматы қаласының  тұрғындарына діни қатынастар және діни экстремизм мен терроризмге қарсы тұру заңнамалық нормаларын түсіндірді, деп хабарлайды ҚазАқпарат тілшісі.

Экстремизм мен терроризмге қарсы тұрудың заңнамалық нормаларын халыққа түсіндіру жұмыстары базарлар мен ірі сауда орталықтарында жүргізілді. Атап айтсақ,  Тастақ, Арыстан, Байсат, Ялян, Жібек жолы базарлары мен Мегатау сауда орталығында өтті.

«Алматы үлкен мегаполис, мұнда неше түрлі адамдар келеді. Халық  көп жүретін  жер - базарлар мен сауда орталықтары. Сондықтан, жоспарлы шарамызды  осы жерлерде  өткізуді ұйғардық. Халыққа экстремизм мен терроризм қаупін барынша  түсіндірдік. Жат ағымдағы адамдарға алданып қалмаудың жолын, діншіл және дінге сенбейтін адамдардың құқықтары туралы  айттық», - дейді әл-Фараби атындағы ҚазҰУ магистрі Нұрлан Орынбеков 

Алматы қалалық Қоғамдық даму басқармасы мен «ҚР лаңкестік және экстремизм  мәселелерін зерттеу орталығы» ҚҚ  мамандары  тұрғындар мен қала қонақтарына экстремистік және лаңкестік әрекеттерге шақыратын аудио, бейне, мәтіндік материалдарды ғаламторға салып, әлеуметтік желілерде таратқан адамдар қылмыстық және әкімшілік  жауапкершілікке тартылатынын айтты. Сондай-ақ, экстремистік ағымдардың идеологиясына түсінік берді.

 

 

Жоғары қарай