Ауа райы
Астана 15 °С
Алматы 17 °С
валюта бағамы
USD 341.08
EUR 394.46
RUB 5.37
CNY 52.71

Алматы полициясы жедел жәрдемді өткізбеген жүргізушіні жазалады

2018 жылдың 14 маусым 2018 17:37 348

АЛМАТЫ. ҚазАқпарат - Алматы полициясы жедел жәрдем көлігін өткізбеген «Ниссан» жүргізушісіне  жаза қолданды, деп хабарлайды ҚазАқпарат тілшісі.

Ниссан жүргізушісі дабыл қаққан жедел жәрдем көлігіне бетпе-бет келіп, жол бермей тұрғаны видеоға түсіп қалған.

«Әуезов аудандық ІІБ жол-патруль полициясының қызметкерлері тексеру жұмыстарын жүргізді. Нәтижесінде көліктің иесі кім екені анықталды. 45 жастағы әйел әкімшілік жауапкершілікке тартылды. ҚР ӘқбК 598-бабының 2-бөлімі бойынша (Арнайы жарық және дыбыс сигналдары iске қосылған жедел және арнайы қызметтер көлiк құралының жүруiне басымдық бермеу)  7-15 АЕК көлемінде айыппұл салу қарастырылған», - деді Жергілікті полиция қызметінің басшысы Жасұлан Байкенов.

Еске сала кетсек,  Instagram әлеуметтік желісіндегі @kris_p_almaty парақшасында бейнеролик жарияланған болатын. Онда көлік руліндегі әйел адам жедел-жәрдем көлігінің өтуіне кедергі жасап тұр. Видеоролик 45 мың көрілім жинап, онда осы оқиғаға байланысты көптеген сыни пікірлер жазылған.

Жоғары қарай