Ауа райы
Астана 10 °С
Алматы 21 °С
валюта бағамы
USD 443.50
EUR 479.47
RUB 5.79
CNY 62.51

Алматы облысында жасөспірімдер үш күнде 597 мәрте заң бұзған

2020 жылдың 17 ақпан 2020 21:13

ТАЛДЫҚОРҒАН. ҚазАқпарат - Алматы облысында үш күнде жасөспірімдердің 600-ге жуық заң бұзу фактілері тіркелді. Өңірде 13-15 ақпан аралығында «Жасөспірім» жедел алдын-алу шарасы ұйымдастырылды, деп хабарлайды ҚазАқпарат тілшісі.

Тәртіп сақшылары кәмелет жасына толмағандардың 579 әкімшілік заң бұзу фактісін анықтады. 13 жағдайда алкогольді ішімдік ішкен. Жергілікті полиция бөлімдеріне 500-ге жуық жасөспірім жеткізілді. Оның 400-і түнгі уақытта ата-ана қарауынсыз көше кезіп жүрген.

Алматы облыстық полиция департаменті баспасөз қызметінің мәліметінше, жедел алдын алу шаралары барысында тәртіп сақшылары 900-ге жуық ойын-сауық орындарын аралап шыққан. Осы кезеңде бұзақылық дерегі бойынша 3 факті тіркелген.

5 жасөспірім бейімдеу орталықтарына жіберілді.


Автор Самал Қабышева
Басты сөздер: Алматы облысы, Оқиға, Заң,
Жоғары қарай