Ауа райы
Астана -8 °С
Алматы -12 °С
валюта бағамы
USD 376.51
EUR 418.91
RUB 6.13
CNY 54.90

Алматы облыстық білім басқармасы балабақшадағы даулы қойылым жөнінде түсінік берді

2019 жылдың 13 желтоқсан 2019 18:24

ТАЛДЫҚОРҒАН. ҚазАқпарат - Алматы облысының Талғар ауданындағы Талдыбұлақ ауылында «Бал бұтақ» жекеменшік балабақшасындағы тәрбиешілердің басы дауға қалды, деп хабарлайды ҚазАқпарат тілшісі.

Әлеуметтік желіде Желтоқсан оқиғасына қатысты балабақшада ұйымдастырылған ертеңгіліктің видеосы жарияланды. Онда бір топ бала қолында ойыншық қаруы милиция рөлінде болса, екінші бір топ бала оларға қарсы транспарант ұстап тұрған.

Осы жайтқа байланысты Алматы облыстық білім басқармасының басшысы Дәурен Жүнісов жауап берді.

«Мектепке дейінгі тәрбие мен оқытудың үлгілік оқу бағдарламасында бейнеде көрсетілен бағыттағы іс-шаралар қарастырылмаған және де ондай шараларды жүргізуге жол берілмейді. Бұл - жекеменшік балабақшаның өзіндік әуесқойлық қойылымы. Қазіргі таңда балабақша құрылтайшысы мен әдіскері Талғар аудандық білім бөліміне түсіндіру жұмыстарын жүргізу үшін шақырылды. Сондай-ақ, өз тарапымнан, осындай іс-әрекетке жол берілмеуі керектігі туралы және осындай іс-әрекеттерге жол берген осы адамдарға ең қатаң жазалау шаралары қолданылатын мәлімдеймін», - деп жазды Дәурен Жүнісов Facebook-тегі парақшасында.

Сондай-ақ, Алматы облысы әкімінің баспасөз хатшысы Ғалымұрат Жүкел осы жайтқа байланысты Талғар аудандық білім бөлімінің басшылығына да шара қолданылатынын ҚазАқпарат тілшісіне жеткізді.

Автор Самал Қабышева
Басты сөздер: Алматы облысы, Білім,
Жоғары қарай