Ауа райы
Астана -12 °С
Алматы 1 °С
валюта бағамы
USD 383.95
EUR 429.26
RUB 6.16
CNY 55.02

Алматы әкімдігі қоғамдық дәретхана мәселесін шешуді қолға алды

2019 жылдың 12 қараша 2019 15:38

АЛМАТЫ. ҚазАқпарат - Алматы әкімдігі қаладағы қоғамдық дәретханалардың жұмысын жақсарту бойынша қолға алынып жатқан шаралар туралы айтып берді, деп хабарлайды ҚазАқпарат тілшісі.

«Қоғамдық әжетханаларға келетін болсақ, біз кәсіпкерлерге көптеген ұсыныстар мен нүктелер ұсындық. Алайда, осы бағыттағы шаралар өз нәтижесін бермей отыр. Сондықтан мемлекеттік кәсіпорындар арқылы бұл бағдарламаны одан әрі кеңейтіп, дамытуға тырысамыз. Бұрын қоғамдық дәретханалар жерасты өткелдері мен ғимараттардың бірінші қабаттарында болатын. Естеріңізде болса, 90-жылдары алғашқы бизнес осы қоғамдық дәретханалардан басталған болатын», - деді Алматы қалалық Жоспарлау және урбанистика басқармасының басшысы Алмасхан Ахмеджанов әкімдікте өткен баспасөз мәслихатында.

Ол қоғамдық дәретхана нүктелері жаяу жүргіншілерге ғана арналған көшелерде орналасқанын атап өтті.

«Егер әжетханалар жабық тұрса, онда соған жауапты ұйыммен байланысу қажет. Себебін анықтау керек. Дәретхана тәулік бойы ашық тұруы тиіс», - деп қосты спикер.

Автор Алма Мұқанова
Басты сөздер: Алматы, Әкім, Аймақ,
Жоғары қарай