Ауа райы
Астана -1 °С
Алматы 9 °С
валюта бағамы
USD 447.67
EUR 491.36
RUB 5.74
CNY 63.07

Алғыс айту күні петропавлдық зейнеткерлер қоғамдық көлікте тегін жүреді

2020 жылдың 28 ақпан 2020 14:50

ПЕТРОПАВЛ. ҚазАқпарат – Петропавлда Алғыс айту күні зейнеткерлер қалаішілік қоғамдық көлікте тегін жүреді, деп хабарлайды ҚазАқпарат тілшісі.

Бұл - «СҚО Автокөлік одағы» қауымдастығының бастамасы. Қайырымдылық акциясына жолаушылар тасымалдайтын компаниялардың жетекшілері қолдау көрсетті. Олар көктемнің алғашқы күні, Алғыс айту мерекесіне орай зейнеткерлерге жеңілдік жасап, Петропавлдағы қоғамдық көлікті қарттар үшін тегін етпек.

«Қайырымдылық шарасын дәстүрлі түрде ұйымдастырамыз. Әдетте зейнеткерлеріміз үшін Қарттар күні қоғамдық көлікте жүру тегін болатын. 2016 жылдан бастап, Алғыс айту күні мерекесі пайда болғаннан бері біз жылына екі рет акцияны ұйымдастыратын болдық. Тұрғындар бұл күні зейнет куәлігін көрсеткен жағдайда жолақы төлемейді. Биыл 1 наурыз демалыс күніне түсіп тұр. Зейнеткерлеріміз бұл күні театрларға барып, туған-туыс, құрбы-жолдастарын аралап, мерекені жақсы өткізеді деп сенеміз», - дейді «СҚО Автокөлік одағы» қауымдастығының төрағасы Галина Семенова.

Қазіргі уақытта Петропавл қаласында қоғамдық көліктер 23 бағыт бойынша жүреді. Жолаушылар тасымалына шамамен 280 автобус тартылған.


Жоғары қарай