Ауа райы
Астана 5 °С
Алматы 4 °С
валюта бағамы
USD 443.50
EUR 479.47
RUB 5.79
CNY 62.51

Ақтөбелік кәсіпкерлер медициналық масканы тегін таратты

2020 жылдың 26 наурыз 2020 14:27

АҚТӨБЕ. ҚазАқпарат – Ақтөбеде кәсіпкерлер 3 мың масканы тегін таратты, деп хабарлайды ҚазАқпарат тілшісі.

Қазақстан құрылысшылар Одағының облыстық филиалы, қонақ үйлер және мейрамханалар қауымдастығы, газ қауымдастығы бірігіп, қаржы жинап, 3 мың дана маска тіктірді.

«Қаладағы кәсіпкерлер «Біз біргеміз» акциясын қолдады. Тапсырысты көпбалалы аналарға беріп, олардың да табыс табуына септігімізді тигіздік. Тігіншілер мақта матадан дайындап берді. Бұл жұмыстарға 750 мың теңге жұмсалды. Кейін қаладағы адам көп шоғырланған 7 орында таратылды. Базарлар мен гипермаркет жанында адамдарға маска кию, оны қолдану, тазалық сақтау тәртібі түсіндірілді. Шынын айтқанда, адамдар әлі бейқам жүр. Кейбірі сенбейді, селсоқ қарайды. Біз қазір өзімізді сақтап, елімізді қорғай аламыз», - деді Ақтөбе қаласындағы қонақ үй-мейрамхана бизнесі қауымдастығының тқрағасы Бану Тілегенова. Оның айтуынша, бетперде тапшы деп бос отыру дұрыс емес. Кез келген адам мақта мата алып, өзіне қажетті қорғаныс құралын тіге алады.




«Далада жалғыз жүрсеңіз маска кию міндетті емес, ал адам көп жиналатын базар, дүкендерде міндетті түрде киген абзал. Біз сақтық шарасы үшін адамдарға жиі көмектесетін «Жас Отан» жастар қанатына 200 дана маска бердік. Ақтөбелік кәсіпкерлер бізді қолдады», - деді Б.Тілегенова.


Жоғары қарай