Ауа райы
Астана -2 °С
Алматы -2 °С
валюта бағамы
USD 384.97
EUR 427.12
RUB 6.04
CNY 54.75

Ақтөбеде алаяқтық жасаған мемқызметкерлер сотталды

2019 жылдың 18 шілде 2019 13:40

АҚТӨБЕ. ҚазАқпарат - Ақтөбе облыстық мемлекеттік сәулет-құрылыс басқармасының екі қызметкері 6 жылға бас бостандығынан айырылды, деп хабарлайды ҚазАқпарат тілшісі.

ҚР Сыбайлас жемқорлыққа қарсы күрес агенттігінің облыстық департаменті екі мемлекеттік қызметкерге қатысты істі тергеп, сотқа жіберді. Ақтөбе облыстық мемлекеттік сәулет-құрылыс басқармасы басшысының орынбасары Талғат Қуанышев пен бөлім басшысы Қайрат Қанаев алаяқтық жасағаны үшін жауапқа тартылды. Іс материалдарына сүйенсек, мемлекеттік қызметкерлер алаяқтық жасап, өкілеттіліктерін асыра пайдаланып, компанияның 150 миллион теңгесін иемденді. Бұл ақшаға жобалау, құрылыс-монтаж жұмысын жасау лицензиясын электронды түрге ауыстыруға сұраған.

№ 2 Ақтөбе қалалық соты Т. Қуанышев пен Қ.Қанаевты 6 жылға бас бостандығынан айыру жазасын тағайындады. Олар өмір бойы мемлекеттік қызметпен айналыса алмайды.

Жоғары қарай