Ауа райы
Астана 10 °С
Алматы 15 °С
валюта бағамы
USD 389.98
EUR 434.01
RUB 6.10
CNY 55.04

Ақтауда ер адам 2 әйелді пышақтап кетті: бірі қаза болды, екіншісінің жағдайы ауыр

2019 жылдың 29 сәуір 2019 21:22

АҚТАУ. ҚазАқпарат - Ақтауда белгісіз ер адам 5-шағынаудандағы үйлердің бірінде 2 әйел адамды пышақтап кетті, деп хабарлайды ҚазАқпарат тілшісі.

Қылмыс сәуірдің 28-нен 29-на қараған түні болған. Куәгерлердің айтуынша, ер адам алдымен 28-үйде тұратын әйелді пышақтап өлтіріп, сосын 2-қабатқа көтеріліп, екінші әйелді жаралаған.

МО Полиция департаменті баспасөз қызметінің хабарлауынша, күдікті ізін суытпай ұсталған. Ол 5-шағынауданда құрықталған.

«Күдікті ұсталды және қазір уақытша қамау изоляторында отыр. Аталған дерек сотқа дейінгі тергеудің бірыңғай тізіліміне енгізілді. ҚР Қылмыстық Кодексінің 99-бабы бойынша іс қозғалды» делінген хабарламада.

МО денсаулық сақтау басқармасы баспасөз қызметінің айтуынша, жарақат алған екінші әйел ауыр халде жатыр. Қабырғасы сынып, көкірек тұсынан жарақат алған.

Жоғары қарай