Ауа райы
Астана -12 °С
Алматы -6 °С
валюта бағамы
USD 375.95
EUR 425.80
RUB 5.74
CNY 55.94

Ақтауда бір күнде ереже бұзған 40-қа жуық автобус жүргізушісі анықталды

2019 жылдың 18 қаңтар 2019 22:46 475

АҚТАУ. ҚазАқпарат - Ақтауда "Автобус" жедел-профилактикалық іс-шарасы аясында қоғамдық көлік жүргізушілері тексерілді, деп xабарлайды ҚазАқпарат тілшісі.

Жүргізушілердің басым бөлігі жылдамдық асырғаны үшін, қарама-қарсы бағытқа шығу, тасымалдауға рұқсат қағазының болмауы, лицензия ережесінің бұзылуы, еңбек режимінің бұзылуы сияқты қателіктер жіберген.

Атап айтсақ, 38 жүргізушіге айыппұл салынған. Оларға ҚР Әкімшілік құқық бұзушылық туралы заңның 463-бабы бойынша xаттама толтырылды.

Шара Маңғыстау облысы Көлікті бақылау инспекциясымен, қоғамдық өкілдерімен бірлесіп өткізілді.

Негізгі мақсат: жергілікті маңыздағы автомобиль жолдарында жолаушылар мен жүктерді тасымалдауды жүзеге асыратын жүргізушілер арасында көліктік тәртіпті арттыру, жол қозғалыс қауіпсіздігін қамтамасыз ету және жол апаттарының алдын алу, сондай-ақ желіде қызметін тіркеусіз жүзеге асыратын азаматтарға қатысты бақылауды жетілдіру.

 

 

Жоғары қарай