Ауа райы
Астана -17 °С
Алматы -9 °С
валюта бағамы
USD 385.01
EUR 425.78
RUB 6.05
CNY 54.68

Ақмолада жүріп келе жатқан көліктің тіркемесі өртеніп кетті

2019 жылдың 8 қараша 2019 19:11

КӨКШЕТАУ. ҚазАқпарат - Ақмола облысында автожолдың бойында «фураның» тіркемесі өртеніп кетті, оны жүргізушіге оқиға куәгерлері айтып ескертті, деп хабарлайды ҚазАқпарат тілшісі.

Аталмыш оқиғаның бейнежазбасы әлеуметтік желідегі atbasar_live парақшасында жарияланды.

«Бүгін Атбасар маңындағы тас жолдың бойында жүріп келе жатқан фураның тіркемесінен өрт шықты. Оқиға куәгері дер кезінде жүргізушіге ескертті. Барлығымыз тіркемені ағытып, фураны өрттен аман алып қалдық. Автокөлік шиналары тиелген тіркеме түгел жанып кетті», - делінген бейнежазбада.

Ақмола облыстық ТЖД мәліметінше, 7 қараша күні сағат 15:14 шамасында «Алматы-Екатеринбург» тасжолының 1260-шақырымында жүк көлігінің тіркемесі өртенгені туралы ақпарат түскен.

«Өрт сағат 15:40-та ауыздықталып, 16:20-да толық сөндірілді. Қаза тапқандар мен зардап шеккендер жоқ. Өрттің себебі анықталуда», - деп толықтырды ведомстводан.

Жоғары қарай