Ауа райы
Астана 3 °С
Алматы 8 °С
валюта бағамы
USD 447.60
EUR 489.41
RUB 5.71
CNY 63.05

Ақмола облысының ауруханасына медициналық жабдықтар сыйға берілді

2020 жылдың 19 ақпан 2020 00:14

КӨКШЕТАУ. ҚазАқпарат - Ақмола облысының Есіл аудандық ауруханасына 73 миллион теңгенің медициналық жабдығы сыйға берілді, деп хабарлайды ҚазАқпарат тілшісі облыстық Ішкі саясат басқармасына сілтеме жасап.

Ведомствоның мәліметінше, Есіл аудандық ауруханасына сый жасап отырған Болат Өтемұратовтың қоры. Игі шараға Ақмола облысы әкімінің орынбасары Айна Мысырәлімова, қор директоры Марат Айтмағамбетов, Есіл ауданының әкімі Серік Балжанов, медициналық қоғам және жергілікті тұрғындар қатысты.




Облыс әкімінің орынбасары Айна Мысырәлімова қор басшылығына әлеуметтік әл-ауқатты қамтамасыз етуге белсенді қатысқаны үшін алғыс білдірді.

«Бүгін Есіл аудандық ауруханасы реанимобиль, хирургия бөлімшесі заманауи наркоз-тыныс алу аппараты және жансақтау бөлімшесі жаңа туған нәрестелерді қарқынды емдеуге арналған инкубатормен толығып отыр. Бұл аудан тұрғындарына медициналық қызмет көрсету сапасын арттырады», - деді Айна Мысырәлімова.




Денсаулық сақтау басқармасының дерегі бойынша сыйға берілген жабдықтар тізіміне «Mercedes-Benz» реанимобилі, хирургия бөлімшесіне заманауи наркоз-тыныс алу аппараты және жансақтау бөлімшесіне жаңа туған нәрестелерді қарқынды емдеуге арналған инкубатор кіреді.




Аудандық аурухананың бас дәрігері Дастан Асанұлы бұл өте құнды сыйлық екенін атап өтті.

«Біз науқастарды тасымалдау үшін заманауи реанимобильге мұқтаж едік. Енді біз Көкшетау мен Нұр-Сұлтан қалаларында медициналық көмектің жоғары деңгейі қажет патологиясы бар жүкті және ауыр жарақаттары бар науқастарды тасымалдай аламыз. Тасымалдау едәуір жылдамырақ жүзеге асып, ал, еріп жүруші дәрігерде қажеттінің бәрі қол астында болады», - деді Д. Асанұлы.


Автор Аслан Оспанов
Басты сөздер: Ақмола облысы, Медицина,
Жоғары қарай