Ауа райы
Астана -2 °С
Алматы 0 °С
валюта бағамы
USD 389.75
EUR 434.26
RUB 6.12
CNY 55.05

Ақмола облысында өрттен 2 адам көз жұмды

2019 жылдың 5 наурыз 2019 19:28

КӨКШЕТАУ. ҚазАқпарат - Ақмола облысының Біржан сал ауданындағы тұрғын үйде болған өрттен 2 адам көз жұмды, деп хабарлайды ҚазАқпарат тілшісі облыстық ТЖД баспасөз қызметіне сілтеме жасап.

Ведомствоның мәліметі бойынша, өрт 4 наурызда Баймырза ауылында болған.

«Тілсіз жауды ауыздықтауға аумақтық ТЖД жеке құрамынан 11 адам және 3 арнайы техника таратылды. Оқиға орнынан 2 адамның мәйіті табылды», - деп айтты ведомствоның баспасөз қызметіндегілер.

Айта кетейік, ведомствоның мәліметіне сүйенсек, жыл басынан бері облыс бойынша барлығы 173 өрт оқиғасы тіркелген. Бұл былтырғы жылдың көрсеткішімен салыстырғанда, 5 оқиғаға аз. Жыл басынан бері ТЖД қызметкерлері ПД, жергілікті атқарушы органдар және еріктілермен бірлесіп, 56 627 ауланы аралап, 140 адамның қатысуымен 493 жиналыс өткізді.

Автор Аслан Оспанов
Басты сөздер: Оқиға, Ақмола облысы,
Жоғары қарай