Ауа райы
Астана -4 °С
Алматы 2 °С
валюта бағамы
USD 387.14
EUR 428.18
RUB 6.06
CNY 55.23

Ақмола облысында екі өрт сөндіру бекеті ашылды

2019 жылдың 16 тамыз 2019 22:09

КӨКШЕТАУ. ҚазАқпарат- Ақмола облысында бір аптаның ішінде екі өрт сөндіру бекеті ашылды.

Оның бірі Целиноград ауданының Жаңаесіл ауылында болса, екіншісі Шортанды ауданының Петровка ауылында пайдалануға берілді, деп хабарлайды ҚазАқпарат тілшісі аймақтық Төтенше жағдайлар департаментінің баспасөз қызметіне сілтеме жасап.

«Петровка ауылындағы өрт бекеті 45 шақырым қашықтықта орналасқан. Сондықтан, ол төтенше жағдайлар болған кездері өрт сөндірушілерге біраз қиындықтар туғызып келді. Әсіресе, қыстың бораны мен жаздың жаңбырлы күндері мүлдем қиынға соғатын еді. Енді міне, жергілікті атқарушы органдардың көмегімен ашылып отырған бекет пен жаңадан жасақталған команда төтенше жағдайға тап болған Петровка ауылы мен жақын маңдағы елді мекен тұрғындарына көмек көрсететін болады», - дейді Ақмола облыстық ТЖД бастығы Алексей Советов.

«Петровка ауылындағы бекет ГАЗ-53 өрт сөндіру автоцистернасы, сиымдылығы 2000 текше метр өрт сөндіру құралы және 4 адамдық жеке құрамнан тұрады. Бекет 1600 тұрғыны бар Новокавказское, Қара-Адыр және Петровка ауылындарына қызмет көрсетеді.

Ал, Целиноград ауданындағы Жаңаесіл ауылындағы өрт сөндіру бекетінде 4 адам жұмыс істейді. Нысан телефон байланысы, жылытылатын бокспен жабдықталған», - дейді ведомствоның баспасөз қызметіндегілер.





Перевод Аслан Оспанов
Басты сөздер: Оқиға, Ақмола облысы,
Жоғары қарай