Ауа райы
Астана 16 °С
Алматы 12 °С
валюта бағамы
USD 386.82
EUR 428.67
RUB 5.86
CNY 54.95

#Abai175: Иманғали Тасмағамбетов Абайдың алтыншы қара сөзін оқыды

2019 жылдың 12 шілде 2019 21:51 662

НҰР-СҰЛТАН. ҚазАқпарат - Қазақстанның Ресейдегі елшісі Иманғали Тасмағамбетов Абай өлеңінен үзінді оқу эстафетасын қара сөзбен жалғады, деп хабарлайды ҚазАқпарат.

Елшіліктің Facebook парақшасында жүктелген видеода Иманғали Тасмағамбетов бұл эстафетаны қара сөзбен жалғауды жөн көргенін айтады.

«Мен поэзия эстафетасын досым Игорь Крутой мен Маралтай інімнен қабылдап, ұлы Абайдың алтыншы қара сөзіне тоқталсам», - деп бастады ол.

Ел бірлігіне қатысты данышпан Абайдың ой толғамын нақышына келтіре оқыған елші эстафета кезегін өзінің досына жолдайтынын айтады.

«Мен өз кезегімде осы эстфетаны жан досым, мәдениет тарланы Досқан Жолжақсыновқа жолдаймын», - деп түйіндеді дипломат.

Айта кетейік, бұған дейін ҚР Президенті Қасым-Жомарт Тоқаев 9 жастағы мектеп оқушысының эстафетасын қабыл алып, оны Білім және ғылым министрі Асхат Аймағамбетовке, Мәдениет және спорт министрі Ақтоты Райымқұловаға және бүкіл әлемді мойындатқан талантты әнші Димаш Құдайбергенге жолдаған еді. 

 

Автор Есімжан Нақтыбай
Басты сөздер: #Аbai175, Ресей, Мәдениет,
Жоғары қарай