Ауа райы
Астана 0 °С
Алматы 5 °С
валюта бағамы
USD 386.30
EUR 428.14
RUB 6.08
CNY 54.87

800 мың теңге пара алған Меркі аудандық ауруханасының бас дәрігері сотталды

2019 жылдың 16 қараша 2019 14:12

МЕРКІ. ҚазАқпарат - Меркі аудандық орталық аурухананың бас дәрігері пара алғаны үшін сотталды, деп хабарлайды ҚазАқпарат Сыбайлас жемқорлыққа қарсы қызметке сілтеме жасап.

Жамбыл облысының сыбайлас жемқорлыққа қарсы қызметі Меркі ауданының орталық аудандық ауруханасының бас дәрігері Б.Т. Құрманәліге қатысты сотқа дейінгі тергеуді аяқтады.

«Ол ЖШС өкілінен 2 млн 800 мың теңгеге балалардың құрғақ тамағын жеткізу мемлекеттік сатып алу шарты бойынша орындалған жұмыстар актісіне қол қойғаны үшін 800 мың теңге сомасында пара алды деген күдікке ілінген болатын. 12 қарашада Меркі аудандық сотының үкімімен бас дәрігер пара алғаны үшін кінәлі деп танылып, 3 жылға бас бостандығынан айырылды» делінген хабарламада.

Сонымен бірге, ол мемлекеттік қызметте жұмыс істеу құқығынан өмір бойына айырылды.

Жоғары қарай