Ауа райы
Астана -4 °С
Алматы 2 °С
валюта бағамы
USD 387.14
EUR 428.18
RUB 6.06
CNY 55.23

2019 жылғы жазғы Универсиадаға Қазақстаннан қанша спортшы қатысады

2019 жылдың 28 маусым 2019 16:28

НҰР-СҰЛТАН. ҚазАқпарат - Тура бір аптадан кейін, яғни 3 шілде күні Италияның Неаполь қаласында 2019 жылғы жазғы Универсиада ойындарының алауы тұтанады, деп хабарлайды ҚазАқпарат.

ҚР Ұлттық Олимпиадалық комитетінен мәлім еткендей, мультиспорттық додаға 170 елдің өкілдері қатысады деп жоспарланған. Аталған додада ел намысын Қазақстанның 94 спортшысы қорғамақ.

«Универсиада ойындарына үлкен құраммен аттанушылар қатарында семсерлесу спортының өкілдері бар. Италия төрінде 18 ноянымыз бақ сынайды. Сондай-ақ, жеңіл атлетикадан - 16, таеквондодан 15 спортшыға сенім артамыз. Садақ атудан- сегіз, нысана көздеу және стенд атудан он спортшы аттанады. Спорттық және көркем гимнастикадағы өкілдеріміздің саны - алтау. Сонымен бірге, төрт теннисші, он дзюдошы және жүзу спортынан жеті спортшы Универсиада жүлдесіне таласады», - деп атап көрсетілген хабарламада.

Естеріңізге сала кетейік, осыған дейінгі, яғни 2017 жылы Қытайдың Тайбэй қаласында өткен Жазғы универсиада ойындарында Қазақстан құрамасы 16 медаль жеңіп алды. Оның 3-еуі - алтын, 6- күміс, 7 - қола медаль.

Автор Күнсұлтан Отарбай
Басты сөздер: Еуропа, Спорт,
Жоғары қарай